Site Network: Personal | My Company | Artist projects | Shop

 

പൊന്നാനിയുടെ ഒരു രേഖാചിത്രം



ആദരാഞ്ജലികള്‍


പൊന്നാനി താലൂക്കിലെ ഏവര്‍ക്കും പ്രിയം നിറഞ്ഞ പൊന്നാനി എം.ഇ.എസ് കോളേജിലെ ബഹു: റിട്ട: പ്രിന്‍സിപ്പാള്‍ മൊയ്തീന്‍ കുട്ടി സാഹബിന്റെ നിര്യാണം പൊന്നാനിക്കൊരു വലിയ നഷ്ടമാണ്. അദ്ദേഹത്തിനെ ശിഷ്യനാവാനുള്ള ഭാഗ്യം എനിക്ക് ലഭിച്ചില്ലെങ്കിലും, അദ്ദേഹവുമായി 1989 മുതല്‍ നല്ലൊരു വ്യക്തിബന്ധം നില നിര്‍ത്താനായെങ്കിലും, ഗള്‍ഫില്‍ വന്നതോടെ അതില്ലാതായി എന്നതാണ് സത്യം, ഒരിക്കല്‍ അദ്ദേഹത്തിന്റെ നന്മ നിറഞ്ഞ മനസ്സ് മനസ്സിലാക്കിയവര്‍, പിന്നീടൊരിക്കലും അദ്ദേഹത്തോട് ബഹുമാനത്തോടെ അല്ലാതെ കാണാനാവില്ല, ഞാനാദ്യാമായി അദ്ദേഹത്തിന്റെ നന്മ നിറഞ്ഞ മനസ്സ് ഞാന്‍ മനസ്സിലാക്കിയത്, അദ്ദേഹത്തിന്റെ സഹപ്രവര്‍ത്തകന്‍ ഹുസൈന്‍ സാറിന്റെ പുതിയ വീട് പാര്‍ക്കലിന്, ഒരു പ്രിന്‍സിപ്പാളാണന്ന ഒരു അഹന്തയുമില്ലാതെ വിളമ്പാനും, ഇല എടുക്കാനും വൃത്തിയാക്കാനും ഒരു സാദാരണക്കാരനെ പോലെ കാണിച്ച ആ ഉത്സാഹവും സ്നേഹത്തോടെയുള്ളയുള്ള ആ പെരുമാറ്റവും, പിന്നീടങ്ങോട്ടുള്ള എന്റെ ജീവിതത്തില്‍ അദ്ദേഹത്തെ ഒരു മാതൃകാ പുരുഷനാക്കി എന്നതാണ് സത്യം. പരിചയപ്പെട്ട ഏതൊരു വ്യക്തിയും അദ്ദേഹത്തെ നിറഞ്ഞ മനസ്സോടെ സ്നേഹിച്ചിരിക്കും എന്നത് ഉറപ്പാണ്.അദ്ദേഹം ഇനി ഇല്ലാ എന്നത് മനസ്സിനൊരു വേദന ഉണ്ടാക്കുന്നു.. വല്ലാതെ അടുത്തവര്‍ പിരിയുമ്പോള്‍ അതൊരു വല്ലാത്ത നൊമ്പരമാണ്. ഏതൊരു സാംസ്ക്കാരിക പ്രവര്‍ത്തനങ്ങളിലും സജീവ സാന്നിത്യമായിരുന്ന അദ്ദേഹത്തിന്റെ വേര്‍പ്പാട് പൊന്നാനിക്കാര്‍ക്ക് വലിയ നഷ്ടമാണ്, അതിലുപരി വ്യക്തിപരമായി എനിക്കും..... അദ്ദേഹത്തിന് ആദരാഞ്ജലികള്‍ അര്‍പ്പിയ്ക്കുന്നു എന്റെയീ കൊച്ചു ബ്ലോഗില്‍

posted by വിചാരം @ 9:43 AM,

5 Comments:

At 10:08 AM, Blogger വിചാരം said...

ബഹുമാന്യനായ ഞങ്ങളുടെ പ്രിയ മൊയ്തീന്‍ കുട്ടി സാഹബിന് ആദരാഞ്ജലികള്‍ അര്‍പ്പിയ്ക്കുന്നു

 
At 11:50 AM, Blogger അഗ്രജന്‍ said...

രണ്ടോ മൂന്നോ തവണ 'ക്ലാസ്സീ പോടാ' എന്ന ശാസനയോടെ അദ്ദേഹത്തില്‍ നിന്നും കയ്യോങ്ങലുകള്‍ വാങ്ങിക്കാന്‍ കഴിഞ്ഞിട്ടുണ്ട്...
ഒരു തവണ ആ ഓങ്ങലില്‍ നിന്നും ഒഴിഞ്ഞ് മാറി ഓടുന്നതിനിടയില്‍ തിരിഞ്ഞ് നോക്കുമ്പോള്‍ പിറകില്‍ കയ്യും കെട്ടി ചിരിച്ച് നിന്നിരുന്ന ആ സഫാരിയിട്ട രൂപമാണ് അദ്ദേഹത്തെ ഓര്‍ക്കുമ്പോള്‍ എന്റെ മുന്നില്‍ തെളിയുന്നത്...

അദ്ദേഹത്തിന്റെ ആത്മാവിന് വേണ്ടി പ്രാര്‍ത്ഥിക്കുന്നു...

 
At 4:08 AM, Blogger അച്ചപ്പു said...

Condolence from my heart, when iwas pdc first year Sir was our pricipal, that was his last year in his MES Collge. i have too many incidence happening btween me and Sir, may god provide him place in Jannah!

 
At 10:36 PM, Blogger രിയാസ് അഹമദ് / riyaz ahamed said...

എന്റെ അച്ഛന്റെ സഹപാഠി കൂടിയായിരുന്നു മൊയ്തീന്‍ കുട്ടി സാര്‍. ബന്ധങ്ങളുടെ തീവ്രത അവസാനം വരെ സൂക്ഷിച്ച അദ്ദേഹത്തിന്റെ വേര്‍പാടില്‍ ഇപ്പോഴും വേദനയില്‍ പൊതിഞ്ഞ മൌനം.

 
At 7:58 AM, Blogger ഗ്രാമീണം Grameenam(photoblog) said...

വളരെ യാതൃക്ഷ്ചികമായാണ് ഇവിടെ വന്നത്. ഈ ഫോട്ടോ കണ്ടപ്പോള്‍ ഞെട്ടിപ്പോയി.
സത്യത്തില്‍ മൊയ്തീന്‍കുട്ടി സാറിന്റെ ഒരു ബ്ലോഗായിരിക്കുമെന്നാണ് ആദ്യം ധരിച്ചത്. അദ്ദേഹത്തിന്റെ വിയോഗത്തില്‍ അനുശോചനം അറിയിച്ചുള്ള കുറിപ്പാണന്നറിഞ്ഞപ്പോള്‍ മനസ്സ് അറിയാതെ തേങ്ങിപ്പോയി.
മൂന്നു വര്‍ഷക്കാലത്തെ MES ജീവിതത്തില്‍ അദ്ദേഹത്തിന്റെ നല്ല മനസ്സ് അറിയാന്‍ എനിക്കും കഴിഞ്ഞിരുന്നു.
കോളേജിലെ എല്ലാ ഓരോ വിദ്യാര്‍ഥികളും അദ്ദേഹത്തിന്റെ നിരീക്ഷത്തിന് കീഴിലായിരുന്നു എന്ന്,അന്ന് എനീക്ക് തോന്നിയിരുന്നു.
അപാരമായ ധൈര്യത്തിന് ഉടമയായിരുന്നു അദ്ദേഹം. ഒരിക്കല്‍ കൊളേജിലെ രണ്ട് കേന്ദ്ര കഥാപാത്രങ്ങള്‍ എന്തൊ പോക്കിരിത്തരം ഒപ്പിച്ചത് അദ്ദേഹം ദൂരെ നിന്ന് കണ്ടു. പിടിക്കപ്പെടുമെന്നായപ്പോള്‍ അവര്‍ ഓടി ലൈബ്രറിയില്‍ കേറി എന്റെ തൊട്ടടുത്ത് വന്നിരുന്ന് ഒന്നുമറിയാത്ത പോലെ പുസ്തകം വായന തുടങ്ങി. ച്ലിം.. ച്ലിം എന്ന അടിയുടെ ശബ്ധം കേട്ട്
ഞാന്‍ ഞെട്ടിവിറ്ച്ച് തലയുയര്‍ത്തിനോക്കുമ്പോള്‍ മൊയ്തീക്കുട്ടി സാര്‍ തന്നെക്കാള്‍ ഉയരമുള്ള ആ ര്‍ണ്ടുപേരേയും പിരടിക്ക് പിടിച്ച് കൂട്ടിമുട്ടിപ്പിക്കുന്നു.ഇതൊന്നുമറിയാത്ത ഈയുള്ളവന്‍ അന്ന് ഞാന്‍ പേടിച്ച് മൂത്രമോഴിച്ചില്ല എന്നേ ഒള്ളൂ.
PONNANI MES പോലത്തെ ഒരു COLLEGE-ന് അദ്ദേഹത്തെ പോലൊരാള്‍ ശരിക്കും അനിവാര്യമായിരുന്നു അന്ന്.
പിന്നീട് perumpilave ANSAR COLLEGE- ല്‍ നിന്നും അദ്ദേഹവുമായി ബന്ധപ്പെട്ടിരുന്നു.
അദ്ദേഹത്തിന്റെ ആത്മാവിന് അല്ലാഹു നിത്യശാന്തി നല്‍കട്ടെ എന്ന് പ്രാര്‍ത്ഥിക്കുന്നു...

 

Post a Comment

<< Home